Sethúsafígging

Tað er skilagott at tosa við bankan tíðliga í tilgongdini, tá tú umhugsar at gera eina iløgu í fasta ogn. So kanst tú sleppa undan at brúka nógva orku uppá ein dreym, sum ikki kann ganga út.

Bankin metir um, hvørjar møguleikar tú hevur, og hvat ber til hjá tær fíggjarliga. Sagt við øðrum orðum: Bankin sigur tær, hvussu nógv tú kanst lána.

Tað hevur nevniliga stóran týdning, at tú ikki hevur ov stóra skuld í mun til tína inntøku. Flestøll orka at vera sperd fíggjarliga í styttri tíð. Men yvir longri tíð gerst hetta ov tungt. 

Eini góð ráð eru, at tú gert tær nakrar tankar um, hvat tú skalt hava ráð til í gerandisdegnum. Tú skalt hava ráð at liva, tí talan er ikki um eina stutttíðaríløgu. Hetta er nógv ár fram í tíðina. Summi ynskja at hava møguleika til at ferðast, onnur ynskja okkurt annað.