Íbúðir á Fløtum

Íbúðir á Landavegnum

Ein hin størsta íbúðarbyggingin er farin av bakkastokki við Landavegin á Fløtum. Talan er um fjølbroyttar íbúðir til ymiskan tørv alt eftir stødd á húski. Í bygninginum verða smærri og størri lyklaklárar og nútímans íbúðir, sum eru úr 32 fermetrum upp í 96 fermetrar til støddar. Sum nú er, er ætlanin, at lon 1, 2 og 3 skulu húsa 79 íbúðum. 

Íbúðirnar hava alt, sum húskinum tørvar og liggja væl fyri í einum livandi býlingi, sum er í rúkandi menning. Dámliga økið, har nógv fólk hava sína dagligu gongd, er í stóran mun byrjað at mynda býin, og alskyns hentleikar eru í økinum so sum matvøruhandlar, dagstovnar, musikkskúli, fólkaskúli og miðnámsskúli, og við útbygda vegakervinum er skjótt at leggja leiðina út á Argir ella oman í miðbýin.

Allar íbúðir hava stovu og køk í einum, vesi og eitt til trý kømur. Rúmlig lyfta er í bygninginum í lon 2, og allar íbúðirnar hava einskilda altan ella terassu. Í kjallaranum er goymslurúm til hvørja íbúð og tvey vásarúm til felags nýtslu. Harumframt eru fleiri grøn øki rundan um bygningin, og eisini er ein takterassa í lon 2 og eitt felagsrúm í lon 3 til taks, sum kann nýtast til tiltøk og hátíðarløtur. 

** Í samlaða fermetratalinum eru goymslurúm, altan og felagsøki ikki íroknaði. **

Allar íbúðirnar í lon 1 og 2 eru seldar. Íbúðirnar í lon 3 eru umbidnar, men møguleiki er at seta seg á bíðilista við at seta seg í samband við okkum. 




Brúk fyri hjálp?

Vilt tú vita meira?

Hevur tú spurningar ella vilt tú vita meira um hesa ogn, ert tú altíð vælkomin at ringja ella skriva til okkara.

Susan Brockie
Susan Brockie Ognarseljari og samskipari
Susan samskipar gerandisdagin hjá Skyn. Hon hevur ábyrgd av kundasamskifti, ger avtalur, savnar inn viðkomandi upplýsingar og tilfar í sambandi við keyp og sølu. Eisini ger Susan ymiskt sølutilfar, hevur ábyrgd av myndaviðgerð, og tekur sær somuleiðis av ymsum søluátøkum. Susan hevur eisini ábyrgdina av fleiri verkætlanunum, sum Skyn varðar av. Hon er við øðrum orðum høgguslokkurin, ið fær alt at hanga saman. Susan er útbúgvin miðlagrafikari og er eisini í holt við at taka akademiútbúgving innan marknaðarføring og leiðslu. +298 23 44 06 susan@skyn.fo

Bílegg framvísing

Fyll út teigarnar niðanfyri – so venda vit aftur við einari tíð til eina framvísing. Hevur tú spurningar annars, kanst tú eisini skriva til okkara her.

Vit kunnu ikki lova, at tað liggur fyri hjá eigaranum tá tú ynskir. Men vit gera okkara besta til at ganga tínum ynskjum á møti.