Íbúð, Karlamagnusarbreyt 6B, 1.4, Hoyvík

Talan er um eina ljósa og rúmliga arkitektteknaða íbúð á 1. hædd í nýggjum íbúðarbygningi í Hoyvík.

Íbúðin er innrættað við duri/gongd, trimum kømrum, baðirúmi og køki og stovu í einum við atgongd út á altan. Eisini hoyrir eitt goymslurúm til íbúðina.

Íbúðarbygningurin hevur trappugongd og lyftu, og felags parkeringspláss eru rundan um bygningin.

Umhvørvið á Karlamagnusarbreyt er lívligt og er í rúkandi menning, og býlingurin hevur flestallir hentleikar einum húski tørvar, so sum handlar, skúla, ansingarstovnar, spælipláss, fótbóltsvøll, ítróttarhøll v.m.