Íbúð, Karlamagnusarbreyt 6B, 2.1, Hoyvík

Ljós, rúmlig, arkitektteknað íbúð, við panorama útsýni. Íbúðin er á 2. hædd í nýggjum íbúðarbygningi í Hoyvík, og hevur trý kømur, ið ger hana vælegnaða til familjur, ella fólk, ið hava tørv á plássi. Íbúðin er 93 fermetrar til støddar, og er innrættað við durði/gongd, trimum
kømrum, baðirúmi og køki og stovu í einum við atgongd út á rúmliga altan. Eisini hoyrir eitt goymslurúm til íbúðina.

Íbúðin er innrættað úr dygdartilfari - gólvhiti, luftskiftisskipan, eikiparkett, flottur hvítur køkur, og flísabaðirúm. Stór, vælinnrættað stova við 4 stórum vindeygapartíum við útsikt kring allan sjónarringin yvir Nólsoynna, Havnina, allan fjørðin og Eysturoynna, gevur kensluna av, at hetta er eitt serligt stað at búgva. 

Íbúðarbygningurin hevur trappugongd og lyftu, sum ger tað sera brúkaravinarligt bæði fyri eldri og yngri. Íbúðin er sera tøtt, og hevur tískil eina lága orkunýtslu og er bygd í samsvar við nýggju bygningskunngerðina, ið kom í gildi í januar 2017.
Karlamagnusarbreyt er eitt lívligt umhvørvi, sum er í rúkandi menning, og býlingurin hevur flestallir hentleikar einum húski tørvar, so sum handlar, skúla, stovnar, spælipláss, fótbóltsvøll, ítróttarhøll v.m.