Íbúð, Karlamagnusarbreyt 6D, Hoyvík

Talan er um eina ljósa arkitektteknaða íbúð á veghædd í nýggjum íbúðarbygningi í Hoyvík. Íbúðin er 53 fermetrar til støddar, og er innrættað við duri, køki/stovu í einum, baðirúmi og tveimum kømrum. Eisini hoyrir eitt goymslurúm til íbúðina.

Hóast íbúðin ikki er stór, so er hon effektivt innrættað við rúmligari stovu/køki, baðirúmi og 2 sovikømrum - sum ikki er vanligt fyri íbúðir av hesi stødd. Íbúðin er innrættað úr dygdartilfari - gólvhiti, luftskiftisskipan, eikiparkett, flottur hvítur køkur, og flísabaðirúm. Hóast íbúðin er í veghædd, kennist hon privat, og hevur eisini útsikt yvir grønt øki, og nakað av útsikt yvir havið. 

Íbúðin er bygd í samsvar við nýggju bygningskunngerðina, ið kom í gildi í januar 2017, og hevur tískil eina lága orkunýtslu.
Karlamagnusarbreyt er eitt lívligt umhvørvi, sum er í rúkandi menning, og býlingurin hevur flestallir hentleikar einum húski tørvar, so sum handlar, skúla, stovnar, spælipláss, fótbóltsvøll og ítróttarhøll, umframt gott busssamband.