Raðhús, undir Kongavarða 26, Argir

Talan er um eini innilokaði endaraðhús í tveimum hæddum, ið eru nærum liðug.  Úr ognini er sera gott útsýni yvir Havnina og Nólsoyarfjørð.

Uttandura er alt gjørt, og somuleiðis er asfalterað og stoypt terassa frammanfyri ognina á eystursíðu.

Í ovaru hæddini eru trappugongd, baðirúm, goymslurúm, hjúnakamar og trý kømur, har tað eina kamari hevur atgongd út á svala. Í niðaru hæddini eru durur, baðirúm, trappugongd og køkur og stova í einum við atgongd út á terassu við útsýni yvir havnina og Nólsoyarfjørð.

Endaraðhúsið stendur í einum barnavinarligum umhvørvi við blindan veg. Stutt er til skúla, ansingarstovn, handil v.m.