Sethús, Handan Á 4, Mykines

Talan er um eini avbera hugnalig hús í Mykinesi, ið eru bygd og innrættað í eldri sniði. Útsjóndin á húsunum er serstakt føroyskt við flagtaki, hvítum sprossavindeyðum, svørtum timburklædningi og hvíttmálaðari grótgrund við grønari úthurð.

Húsini eru í trimum hæddum og hava 3 kømur, har tað í núverandi løtu er pláss fyri 8 fólki at sova. Í niðastu hæddini er høli / gildissalur, har tað er pláss at hava upp móti 30 fólki sitandi.

Húsini eru innrættaði soleiðis:

Í miðhæddini eru durur, baðirúm, gongd, køkur, stova og eitt kamar. Í ovastu hæddini eru tvey kømur og eitt kamar, har trappuuppgongdin er. Í niðastu hæddini eru inngongd, rúmligt høli / gildissalur og køkur.

Í Mykinesi er sera náttúruvakurt og frítt, og eitt ríkt fuglalív er á oynni.