Sethús, Heiðavegur 76, Saltangará

Talan er um eini rúmlig og væl innrættaði sethús í tveimum hæddum, ið m.a. hava hugnaligan urtagarð, fríttstandandi bilhús og eina sjálvstøðuga íbúð í parti av niðaru hæddini.

Í ovaru hæddini er gongd, køkur, stova við atgongd út á altan, baðirúm og trý kømur, umframt hjallur. Í niðaru hæddini er gongd, rúm, teknikrúm og íbúð, ið er innrættað við gongd, køki, stovu, baðirúmi og kamari.

Rundan um húsini er havi við grasfløtu og góðum møguleikum at njóta útilívið. Harumframt er bilhús og pláss fyri tveimum bilum í túninum.

Sethúsini standa í einum friðarligum, barnavinarligum og veðurgóðum sethúsaøki í góðum grannalagi. Ognin hóskar væl til stóru familjuna, fleiri ættarlið ella tey, sum ynskja møguleika at leiga út. Staðsetingin er sentral í Runavíkar kommunu, nær við dagstovn, skúla, ítróttarøkið, handlar og mangt annað.