Sethús, Heiðastubbi 8, Tórshavn

Talan er um eini snøgg arkitektteknaði sethús við góðum útsýni, ið hava ein hugnaligan urtagarð, standa væl fyri miðskeiðis í býnum og hava íbúð í niðastu hæddini.

Í miðhæddini eru durur, trappugongd, køkur, stova við atgongd út á altan, baðirúm og hjallur. Í ovastu hæddini eru trappugongd, fimm kømur og baðirúm. Í niðastu hæddini eru trappugongd og vaski- / fýrrúm, umframt íbúð við duri, stovu, køki, kamari og baðirúmi.

Rundan um húsini er garður, flísalagt tún, terrassa og grasfløta við trøðum.

Húsini standa í einum friðarligum umhvørvi, og stutt er til flestallar hentleikar í býnum, so sum plantaguna, ítrottarøkið í Gundadali og miðbýin.