Tvíhús, Vørðuvegur 14a, Hósvík

Talan er um eini nýggj tvíhús, ið verða seld innilokað saman við hitapumpu (luft til vatn), gólvhitarørum og gólvhitastýring.

Húsini eru í tveimum hæddum, og keyparin kann sjálvur seta sín dám á innrættingina - Vegleiðandi tekningar fylgja við. Innan er kjallaragólvið stoypt og plátað bjálkalag er millum hæddirnar. Uttan er alt liðugt.

Húsini standa væl fyri í hugnaligum, barnavinarligum og náttúruvøkrum umhvørvi, og stutt er til dagstovn og skúla upp til 3 flokk.

Hósvík liggur væl fyri mitt í Føroyum og er ein av bygdunum í Sunda Kommunu, sum er væl útgjørd til at nøkta teir tørvir, ið barnafamiljur, ung og gomul, hava tørv á. Til dømis eru 3 dagstovnar, nýggjur skúli, ítróttarhøll, fótbóltsvøllur og ellisheim, umframt ókeypis bussleið til borgarar í kommununi, sum koyrir millum bygdirnar millum kl. 16 og 22 gerandisdagar. Eisini eru tveir stórir matvøruhandlar í økinum.