Vinnubygningur, Karvatoftir 3, Fuglafjørður

Talan er um ein vinnubygning í trimum hæddum, sum liggur sera væl fyri miðskeiðis í bygdini.

Bygningurin hevur seinnu árini verið nýttur til barrvirksemi, men møguligt er at nýta hann til annað vinnuligt virksemi. Bygningurin liggur sambært almennubyggisamtyktini fyri Fuglafjarðar Kommunu í øki A (Miðstaðarøki). Økið er burtur av lagt til miðstaðarbygging, t.e. handlar, skrivstovur, heilsubótarhølir og bygdarhús. Í samband við virkishús er tó loyvt at innrætta ein bústað.

Bygningurin er innrættaður soleiðis: Í ovastu hæddini er stórt høli við trappuútgongd og trappuuppgongd, lítið høli og vesi. Í miðhæddini eru inngongd, barrhøli, køkur, goymsluhøli, vaskirúm, trappuuppgongd, pissoir og 2 vesi. Í niðastu hæddini eru kjallararúm og fýrrúm.