Sethús, Skálavegur 258, Skála

Talan er um eini sethús í tveimum hæddum, ið hava  frálíkt útsýni og hugnaligan hava. Húsini eru undir umvæling, og tískil er talan um eitt sokallað ”handverkaratilboð”, ið loyvir einum møguligum keypara at seta egnan dám á ognina.

Kjallarin bleiv stoyptur í 2023, og klárt er at innrætta íbúðir. Í niðaru hæddini eru dragihurðar, so latast kann upp til garðin og bergtakandi útsýninum yvir Skálafjørðin.

Sethúsini, ið standa á einum grundøki á heili 3.035 fermetrum við trimum ástandandi skúrum, hava framúr staðseting í eini náttúruperlu beint við fríøkið við Prestá, har tað er hugnaligt umhvørvi við hyli, smáttu og gøtu fram við ánni oman til sjóvarmálan.