Íbúð, Karlamagnusarbreyt 7B, 2.2, Hoyvík

Talan er um eina ljósa og snøgga íbúð, ið er staðsett í livandi og væl umtókta umhvørvinum á Karlamagnusarbreyt. Íbúðin er á næstovastu hædd í íbúðarbygningi, ið hevur bæði trappugongd og lyftu, sum ger tað sera brúkaravinarligt bæði hjá eldri og yngri.

Íbúðin er innrættað við duri, gongd, køki og stovu í einum, baðirúmi og tveimum kømrum. Atgongd er út á tvær altanir frá køki / stovu. Eisini  hoyrir eitt goymslurúm til íbúðina.

Stutt er alskyns hentleikar í nærumhvørvinum, so sum skúla, barnagarð, vøggustovu, til handils, ítrottarhøll, fótbóltsvøll og fríøki. Eisini er busssambandið í økinum gott.