Sethús, Grunnlendisgøta 4, Oyndarfjørður

Talan er um eini fitt og lítil sethús, ið eru staðsett í sjarmerandi og gomlum grannalag í Oyndarfirði – nærindis húsunum eru fleiri smáar gøtur millum ognirnar og vakrir urtagarðar við trøðum. Til húsini hoyrir egið parkeringspláss (v/ el-løðara), tún, grasfløta og terrassa við hitapotti. Gott útsýni er frá ognini út á hav og Kalsoynna.

Í miðhæddini er durur/trappugongd, køkur/spísistova, stova og baðirúm

Í lofthæddini er ein loftgongd og tvey kømur.

Kjallarin er innrættaður upp á gamla máta - goymsla og teknikrúm. Ognin er upphitað við luft/vatn hitapumpu.

Oyndarfjørður er ein sera hugnalig bygd, og skjótt er at ganga frá húsunum oman í fjøruna, yvir í ánna, niðan á sparkivøllin ella til spælipláss við skúlan.