Sethús, Leitisvegur 1, Haraldssund

Talan er um eini snøgg arkitektteknaði sethús, ið standa frítt og hava avbera gott útsýni yvir sundið og landslagið.

Í niðaru hæddini eru durur / trappugongd, fýrrúm / vaskirúm, køkur, stova við atgongd út á altan, baðirúm, kamar og rúm, har møguleiki er at gera baðirúm. Á ovaru hæddini eru trappugongd, loftstova við atgongd út á altan, baðirúm og fýra kømur, harav kamarið á kvistinum hevur klædnarúm.

Umhvørvið er friðarligt, barnavinarligt og náttúruvakurt, og bæði er stutt niðan í haga og oman í fjørðu. Skúli og spælipláss eru nærindis, og er tørvur á at leggja leiðina til Klaksvíkar, har alskyns hentleikar eru, tekur tað einans uml. 5 min. við bili. Eisini er gott busssamband í økinum.